Generalitat de Catalunya - www.gencat.cat
EL BIBLIOTECARI I LA MORT
Fons Blanc
dibuix llapis
dibuix 1 color
dibuix 2 colors
dibuix 3 colors
dibuix colors finals

Es darrèri tempsi dera vida de Demètri, hilh de Fanostrat, neishut en Faliron (eth vielh pòrt d’Atenes, tranquil e dromilhós, tant apròp, e tan desparièr, deth tapatjós Pirèu) sigueren coma es de tanti òmes fòrça mens importants que non pas eth — enquia coma es de tanta gent escura. Temps de nostalgia e de rancura, ua rancura sorda qu’a de còps ère dagada en sòn còr. Sigueren, sustot, tempsi d’engüeg. Aquerò que non se pòt pas díder que siguessen, per sòrt entà Demètri, ei excessivament longui — ua longa decadéncia en tot demorar era mòrt pacienta. Tanpòc sigueren avilits pes hastigoses infirmitats dera vielhessa, ne per aquera praubetat qu’a Demètri, des dera sua luenhenca joenessa d’adolescent ambiciós, li auie hèt tostemp tanta pòur. Mès d’alavetz ençà qu’auie queigut en desgràcia, e qu’eth rei Ptolomèu — eth dusau d’aguest nòm, Ptolomèu arrèhilh deth comandant Lagos, un escur oficiau macedonian; Ptolomèu a qui era adulacion des alexandrins nomentaue ‘eth Filadelf’ per’mor que s’auie maridat tamb era sua pròpria fraia, un hastiós incèst ara egipciana, indecorós entà un grèc, inconvenient enquia entà un potentat macedonian que conservèsse eth sen… de dempús que Ptolomèu II l’auie hòrabandit d’Alexandria, Demètri de Faliron se consumie de rancura e d’engüeg.

 

«
»
esperi / espere / wait

dibuix colors finals

ERA MÒRT E ETH BIBLIOTECARI

Es darrèri tempsi dera vida de Demètri, hilh de Fanostrat, neishut en Faliron (eth vielh pòrt d’Atenes, tranquil e dromilhós, tant apròp, e tan desparièr, deth tapatjós Pirèu) sigueren coma es de tanti òmes fòrça mens importants que non pas eth — enquia coma es de tanta gent escura. Temps de nostalgia e de rancura, ua rancura sorda qu’a de còps ère dagada en sòn còr. Sigueren, sustot, tempsi d’engüeg. Aquerò que non se pòt pas díder que siguessen, per sòrt entà Demètri, ei excessivament longui — ua longa decadéncia en tot demorar era mòrt pacienta. Tanpòc sigueren avilits pes hastigoses infirmitats dera vielhessa, ne per aquera praubetat qu’a Demètri, des dera sua luenhenca joenessa d’adolescent ambiciós, li auie hèt tostemp tanta pòur. Mès d’alavetz ençà qu’auie queigut en desgràcia, e qu’eth rei Ptolomèu — eth dusau d’aguest nòm, Ptolomèu arrèhilh deth comandant Lagos, un escur oficiau macedonian; Ptolomèu a qui era adulacion des alexandrins nomentaue ‘eth Filadelf’ per’mor que s’auie maridat tamb era sua pròpria fraia, un hastiós incèst ara egipciana, indecorós entà un grèc, inconvenient enquia entà un potentat macedonian que conservèsse eth sen… de dempús que Ptolomèu II l’auie hòrabandit d’Alexandria, Demètri de Faliron se consumie de rancura e d’engüeg.

 

PRINT ePUB

Creative Commons License

El bibliotecari i la mort by Jaume Pòrtulas ; Carlos Ruiz ; Josep Alcaraz ; Jordi Colomer ; Departament de Cultura i Mitjans de Comunicació
is licensed under a Creative Commons Reconeixement-No comercial-Sense obres derivades 2.5 Espanya License.

Avís Legal | Accessibilitat | Sobre el web | © Generalitat de Catalunya